Аддзяленне створана ў 2004 годзе ў межах 4 раёнаў Брэсцкай вобласці: Брэсцкага, Маларыцкага, Кобрынскага і Жабінкоўскага. Сёння ў аддзяленні налічваеца каля 100 сябраў: арнітолагаў-навукоўцаў і аматараў, а таксама ўсіх, хто цікавіца прыродай і каму неабыякавы яе лёс.

Неафіцыйна аддзяленне дзейнічае на тэрыторыі Брэсцкай вобласці з 1999 года. Спачатку гэта была мясцовая ініцыятыўная група ГА АПБ, якая складалася з 5-10 чалавек, пераважна моладзі, студэнтаў, настаўнікаў і навукоўцаў, якія актыўна ўдзельнічалі амаль ва ўсіх акцыях арганізацыі. Акрамя таго, арганізоўвалі і праводзілі свае прыродаахоўчыя і навукова-асведчыя акцыі.

І вось нарэшце ў 2004 годзе гэтай ініцыятыўнай групай было ўтворана Заходне-Палескае рэгіянальнае аддзяленне ГА АПБ. Дзейнасць аддзялення распаўсюджваецца не толькі на раёны, ў межах якіх яно ўтворана, а таксама на ўвесь паўдневы-захад Беларусі.

Аддзяленне мае некалькі ўласных выданняў: "Кулён" і "Вялікі кулён" — інфармацыйныя бюлетэні, "Баталён" — рэгіянальны навуковы зборнік. Калі Вам ёсць што напісаць, дасылайце свае артыкулы на электронны адрас: apb_brest@mail.ru .

Галоўная мэта дзейнасці – безумоўна, сугучна з мэтай дзейнасці арганізацыі ўвогуле – «Захаванне біяразнастайнасці і заахвочванне людзей да актыўнай аховы прыроды». Але ў межах сваей кампетэнцыі.

Гэта перш за ўсе:

• вывучэнне размяшчэння арнітафаўны ўвогуле і асабліва рэдкіх відаў птушак берасцейшчыны;
• вывучэнне міграцыі птушак у межах рэгiёну;
• маніторынг змен у саставе і размяшчэнні птушак.
• важным накірункам дзейнасці з’яўляеца заахвочванне мясцовага асельніцтва і асабліва моладзь, да актыўнага пазнання і аховы роднай прыроды.

Старшыня Савету аддзялення