Аддзяленне створана ў 2006 годзе ў межах Шумілінскага раёна Віцебскай вобласці.

Неглядзячы на тое, што наша аддзяленне зарэгістравана менш як год, але ўжо сёння яно налічвае больш за 90 сябраў. Амаль палова з іх — гэта дзеці, і ў школах раёна працуе 14 клубаў АПБ "Крылаты дазор".

Большасць дарослых сябраў — настаўнікі і кіраўнікі ўстаноў адукацыі, больш за 90 адсоткаў мае вышэйшую адукацыю. У асноўным гэта педагогі — біёлагі і географы, але ёсці і філолагі, і матэматыкі і сябры з вышэйшай тэхнічнай адукацыей. Але вось спецыялістаў — арнітолагаў няма зусім. Таму ў сваёй дзейнасці часта звяртаемся за дапамогай да прафесіяналаў.

Прымаем актыўны ўдзел ва ўсіх кампаніях АПБ. Улічваючы, што большасць дарослых сябраў аддзялення маюць дачыненне да школы, асноўная мэта дзейнасці — экалягічная адукацыя і выхаванне.

Аддзяленне з'яўляецца арганізатарам і каардынатарам усіх адукацыйных экалагічных праектаў, якія працуюць на тэрыторыі рэгіёна. Да прыродаахоўнай дзейнасці заахвочваем і нашых суседзяў з Віцебску, Наваполацку, Бешанковіцкага раёну.

Шмат увагі надаем супрацоўніцтву з раённай інспекцыяй прыродных рэсурсаў і аховы навакольнага асяродзя, рэдакцыяй раённай газеты і іншымі зацікаўленымі арганізацыямі.

Сярод задач на бліжэйшы час:

• развіццё экалагічнай адукацыі ў рэгіёне;
• узмацненне ролі клубаў "Крылаты дазор" у экалагічным выхаванні
• вучняў;
• павышэнне асабістага прафісіяналізму сябраў аддзялення;
• актыўны ўдзел ў акцыях і кампаніях АПБ;
• супрацоўніцтва з мясцовымі ўладамі па развіццю экалагічнага
• турызма;
• вывучэнне біяразнастайнасці рэгіёна.