In English, please
Знайшлі памылку ў тэксце?
Вылучыце яе з дапамогай мышкі і націсніце
Птушкі Беларусі

беларускія, рускія, лацінскія назвы

Сямейства: Уюрковыя

Від: Крыжадзюб-яловік

Клікніце, каб павялічыць!
© М. Верабей Аўтар: © М. Верабей © С. Левы Аўтар: © С. Левы © Дз. Якубовіч Аўтар: © Дз. Якубовіч

Больш фотаздымкаў гэтага віда глядзіце тут

Крыжадзюб-яловік

Лацінская назва: Loxia curvirostra
Ангельская назва: Crossbill
Руская назва: Клест обыкновенный

Голас можна праслухаць тут:

Апісанне

Выразны дымарфiзм. Абедзве часткi дзюбы скрыжаваныя, прычым даўжыня дзюбы значна большая за вышыню каля асновы (параўн. з 311). Самец матава-чырвоны, самка матава-алiўкава-зялёная. Маладыя падобныя да самкi, але нiз цела ў рыскi. Падобны да сасновага крыжадзюба, але з больш далiкатнай будовай i больш тонкай дзюбай. Голас: позыў — насавое «геп-геп-геп» альбо «кле-кле-кле». Спеў — мешанiна позыўных гукаў з насавымi трэлямi i шчабятаннем. Даўжыня цела 16-18 см, размах крылаў 27-30,5 см.

Падвiды: L. c. curvirostra — цэнтр. i паўн. Еўропа i Сiбiр да Ахоцкага м.; L. c. mariae — Крым; L. c. balearica — Балеары; L. c. corsicana — Корсiка; L. c. scotica — Шатландыя; L. c. quillemardi — Кiпр, М. Азiя, Каўказ; L. c. poliogyna — паўн. Афрыка. Акрамя таго, вылучаецца яшчэ 12 падвiдаў.

Бiятоп: хваёвыя лясы з прымессю або перавагай елак. На Пд часта ў сасновых лясах, на Пн — густыя вялiкiя яловыя лясы. Можа сустракацца ўантрапагенным ландшафце i нават у малых гарадах.

Гняздо: на высокiм хваёвым дрэве (часта елцы), якое стаіць асобна або недалёка ад ляснога масiву, звычайна ўверсе кароны каля ствала цi недалёка ад яго ў развiлцы бакавых галiн (звычайна пад прыкрыццем iншых), на вышынi ад 2-25 м над зямлёй. Асноваз няшчыльна ўкладзеных галiнак хваёвых дрэў i кавалкаў кары. Знешняя частка з травы, моху i лiшайнiка, унутраная — з моху i траў. Высцiлка з сухiх траў, воўны, лішайнікаў i пер’я. D = 10-13 см, d = 6-7 см, H = 6,5-8 см, h = 3-5,5 см.

Яйкi: 3-4 (2-5), крыху падоўжаныя, з тупым вузейшым канцом, белаватыя, крэмавыя, зеленаватыя або шэра-блакiтныя; дробныя плямкi i рысачкi цёмна-пурпуровыя цi вiшнёвыя (звычайна больш густыя на шырокiм канцы). Глыбокія плямкi фiялетава-шэрыя або цялесна-ружовыя. Памеры: 22,0 х 16,0 мм (19,4-25,5 х 14,1-17,5 мм).

Арэал: разарваны; Еўропа, Азiя (акрамя Пн і Пд) — ад Урала да паўд. часткiАхоцкага м., Сахалiна i Курыльскiх а-воў, лакальна ў паўд.-ўсх. Азii(iзаляванаўгарахЦянь-Шаняi адусх. Гiмалаяўдапаўд.-зах. Кiтая, В'етнам), Фiлiпiны, паўн.-зах. Афрыка, Паўн. Амерыка(акрамя Пн).

Пералёты: аселы. Крайнiя паўночныяпапуляцыi часткова пералётныя. Нерэгулярна залятае iнвазiйна. У час iнвазii можа пералятаць да 4000 км ад гнездавога арэала.

Месца зiмовак: у межах гнездавога арэала.

Беларусь:рэдкіна гнездаванні і больш звычайны на зімоўцы від.

Падобныя віды

Крыжадзюб белакрылы; Крыжадзюб сасновы;