In English, please
Знайшлі памылку ў тэксце?
Вылучыце яе з дапамогай мышкі і націсніце
Птушкі Беларусі

беларускія, рускія, лацінскія назвы

Сямейства: Качыныя

Від: Гусь белалобая

Клікніце, каб павялічыць!
© А. Цюлін Аўтар: © А. Цюлін © А. Цюлін Аўтар: © А. Цюлін © Дз. Якубовіч Аўтар: © Дз. Якубовіч

Больш фотаздымкаў гэтага віда глядзіце тут

Гусь белалобая

Лацінская назва: Anser albifrons
Ангельская назва: White-fronted goose
Руская назва: Гусь белолобый

Голас можна праслухаць тут:

Апісанне

Палавы дымарфізм адсутнічае. Апярэнне карычнева-шэрае з чорна-карычневымі палосамі на жываце. У асновы дзюбы зверху белая пляма. У маладых палосы на жываце горш бачныя і адсутнічае белая пляма на ілбе (як у шэрай гусі і гусі-гуменніцы). Еўрапейска-азіяцкі падвід (albifrons) з чырванаватай дзюбай, а грэнландскі падвід (flavirostris) — з жоўтай і з больш цёмным апярэннем. Лятае з большай хуткасцю, чым шэрая гусь. Голас: больш высокі, чым у шэрай гусі, больш хуткі, 2- альбо 3-складовыя «клінг-клінг», «клін-кланг», «кленг-клек». Даўжыня цела 62-78 см, размах крылаў 125-165 см. Самка меншая за самца.

Падвiды: А. а. аlbifrons – паўн. Расія, A. a. flavirostris — Грэнландыя. Абодва падвіды зімуюць у Зах. Палеарктыцы.

Бiятоп: кантынентальныя вадаёмы сярод кусцікавай тундры; у паслягнездавы перыяд: марскiя ўзбярэжжы, а таксама стэпы i с.г. палi паблiзу вялiкiх вадаёмаў.

Гняздо: звычайна сярод травянiстай раслiннасцi, няроўнасцей тэрыторыi, неакуратна высланае сухой раслiннасцю i пухам. d = 20-25 см.

Яйкi: 4-6, часта амаль элiптычныя, белыя з жаўтаватым або шэрым адценнем. Памеры: 81,0 х 54,0 мм (76,0-89,0 х 49,0-57,0 мм).

Арэал:крайняя Пн Галарктыкi.

Пералёты: пералётны (III-V, IX-XI).

Месца зiмовак: цэнтр. i зах. Еўропа, паўд.-ўсх. частка М. Азii, паўд. i ўсх. Азiя, усх. i зах. ўзбярэжжы Паўн. Амерыкi.

Беларусь: адзін з найбольш масавых відаў гусей у час транзітных міграцый.

Падобныя віды

Гусь-гуменніца; Гусь-піскулька; Гусь шэрая;