Звычайная гага ўпершыню адзначана на Гарадзеншчыне

На наступны дзень, у нядзелю, дзякуючы паведамленьню, атрыманаму ад Жоржа Гулеўскага, нам таксама пашчасьціла ўбачыць гэты новы для нас від.

На катамаране атрымалася падплысьці да самца гагі (ён аказаўся першага года жыцьця — таму і не ў дарослым пяры) амаль на 30 мэтраў. Бліжэй ён не падпускаў — або пералятаў, або хутка пераплываў на новае месца.

Навокал на беразе водасховішча віраваў натоўп адпачываючых і іх машын, праплывалі катамараны і лодкі, і самец гагі быў амаль адзінай качкай (за выключэньнем пары крыжанак), якія плавалі на адкрытай вадзе.

Па словах ратавальнікаў, падобную на гусь качку яны назіраюць на водасховішчы каля 2 тыдняў, прычым яна не вельмі баялася людзей і падбірала хлеб, кінуты ў ваду.

Гэтыя надзвычай прыгожыя марскія качкі гняздуюць вакол Палярнага кола на марскіх узьбярэжжах і ў тундры ад Паўночнай Эўропы да Чукоткі і Берынгава мора. Спарадычна залятаюць на поўдзень ад гнездавога арэалу, і ў Беларусі адзначаюцца вельмі рэдка пад час міграцыі і зімоўкі.

Дзьмітры Вінчэўскі, АПБ, Горадня

На здымку аўтара: самец звычайнай гагі першага году жыцьця на всхв. Юбілейнае.

Таксама глядзіце

Голодные птицы вынуждают крабов менять цвет

В Мьянме поймана навозная черепаха

Семинары на ТВП «Налибокская пуща» или на пороге сенсации…

Устаноўлены першыя аншлагі на ТВП “Налібоцкая пушча”

“Юны бёдуочар III”

У Ельні з'явіліся захавальнікі

В Британии воры вынесли редких птиц из музея

“Рубить или не рубить” на охраняемых территориях?

Новое программное обеспечение будет пугать птиц

В Киеве убили эколога, защищавшего заповедный остров