1221 від птушак знаходзіцца пад пагрозай зьнікненьня

Апошнія абнаўленьні таксама паказваюць, што дадаткова 812 відаў птушак будуць мець статус «амаль пагражаемы» ( Near Threatened ), у дадатак да 2 033 відаў, для якіх неабходныя неадкладныя дзеяньні па іх ахове.

З 1988г., калі ўпершыню атрымалася ацаніць статус усіх відаў птушак, усё больш і больш відаў патрабуюць дапамогі, без якой яны зьнікнуць – на сёньняшні момант іх доля перавысіла 22% ад усіх відаў птушак.

Абнаўленьні гэтага году таксама закранулі статус грыфаў, становішча якіх працягвае пагаршацца: пяць новых відаў атрымалі больш высокую катэгорыю з-за вялікай колькасьці пагроз. Асноўныя з іх гэта зьнікненьне месцаў пражываньня, іх дэградацыя (што застаецца галоўнай пагрозай для большасьці зьнікаючых відаў, якая датычыць 86% відаў пад глябальнай пагрозай ( Globally Threatened ), зьмяншэньне магчымасьці харчавацца (як вынік зьмяншэньня папуляцый дзікіх жывёл) і атручваньне дыклафенакам пры харчаваньні трупамі свойскай жывёлы (падрабязьней гл. тут: www.ptushki.org/index.php?area=1&p=news&newsid=83 )– апошні фактар адказны за хуткае і значнае зьмяншэньне колькасьці грыфаў па ўсёй Азіі.

Віды птушак, якія жывуць на акіянскіх выспах, працягваюць знаходзіцца сярод найбольш пагражаемых відаў галоўным чынам з-за чужародных відаў жывёл-інтрадуцэнтаў.

У сьпісе гэтага году зуёк са Сьвятой Хелены ( St Helena Plover ) Charadrius sanctaehelenae апынуўся сярод «крытычна зьнікаючых» ( Critically Endangered ), з-за таго, што ў апошнія гады яго месцы гнездаваньня паступова зьнішчаліся інвазійнымі відамі расьлін, да гэтага дадалося драпежніцтва з боку завезеных на выспу бадзяжных катоў. Яшчэ адзін сумны прыклад – По’о-ўлі ( Po ’ o — uli ) Melamprosops phaeosoma – вядомы толькі з адной Гавайскай выспы Маўі, таксама быў аднесены ў катэгорыю «крытычна зьнікаючы (магчыма зьніклы)». Пасьля гібелі ў няволі апошняй вядомай птушкі гэтага віду ў 2004 годзе, ўсе спробы адзначыць від у прыродзе скончыліся безвынікова. Другі выспавы від – хвалісты альбатрос ( Waved Albatross ) Diomedea irrorata , які гняздуе толькі на Галапагоскіх выспах, таксама аднесены да катэгорыі «крытычна зьнікаючых» з-за новых дадзеных пра зьмяншэньне колькасьці птушак, галоўным чынам з-за павелічэньня прамысловай лоўлі рыбы (Рыбалоўныя траўлеры выстаўляюць закідныя ліні (доўгі трос, да якога прымацаваны кручкі), якія цягнуцца за караблём аж да 130 кіламетраў. На кожным ліні знаходзіцца дзесяткі тысяч кручкоў з нажыўкаю з кальмараў ці рыбы. Гэтая прынада прываблівае альбатросаў, якія трапляюць на кручкі і тонуць.) Падрабязьней гл. тут: www.ptushki.org/index.php?area=1&p=news&newsid=88

Не гледзячы на тое, што Чырвоны Сьпіс павялічыўся, ёсьць прыклады пасьпяховых дзеяньняў па ахове і выратаваньню птушак.

Маўрыкійскі папугай ( Mauritius Parakeet ) Psittacula eques , які ў гістарычны час зьнік з Рэюньёна і выжыў толькі на паўднёвым захадзе Маўрыкія, быў пераведзены ў больш бясьпечную катэгорыю «зьнікаючы». Дзякуючы пасьпяхова праведзенай праграме па рэінтрадукцыі віду, якая ўключала разьвядзеньне папугаяў у няволі і выпуск атрыманых у выніку гэтага птушак, а таксама прынятых мераў па кантролю за драпежнікамі і забесьпячэньню птушак штучнымі месцамі гнездаваньня, іх колькасьць значна павялічылася.

Яшчэ адзін добры прыклад – акуляравая качурка ( Spectacled Petrel ) Procellaria conspicillata , статус якой зьменшылі з «крытычна пагражаемага» на «ўразьлівы» ( Vulnerable ), пасьля павелічэньня папуляцыі віду з прыкладна 1000 птушак у 1980я гг. да каля 10 000 ў 2006г. Гэты доўгачасовы посьпех забясьпечылі, галоўным чынам, дзеяньні па выдаленьні сьвіней з адзінага вядомага месца гнездаваньня качурак – в. Недаступнасьці ў архіпелагу Трыстан-да-Кунья ў Паўднёвай Атлянтыцы.

Д-р Ст’юарт Батчарт ( Dr Stuart Butchart ), каардынатар Сусьветнай відавой праграмы BirdLife , з нагоды абнаўленьня Чырвонага Сьпісу сказаў:

«Ёсьць 2 бакі гісторыі: хаця існуюць добрыя прыклады прыродаахоўных дзеяньняў у ратаваньні некаторых відаў птушак, усё больш і больш відаў набліжаюцца да мяжы зьнікненьня. І гэты выклік павялічваецца кожны год». «Але там, дзе высілкі, рэсурсы і палітычная воля скіраваны на ратаваньне /птушак/, від можна выратаваць. Працы па ахове павінны быць павялічаны, каб павярнуць тэндэнцыю зьнікненьняў, якія няўхільна набліжаюцца».

Вынікі абнаўленьня Чырвонага Сьпісу BirdLife будуць далучаны да Чырвонага Сьпісу-2007 МСАП, які з’явіцца ў верасьні 2007г..

Перагляд статусаў некаторых відаў і зьвязаныя з гэтым дакумэнты, уключаючы дадзеныя па ўсім 10 000 відам птушак, можна знайсьці на ўэб-пляцоўцы BirdLife : www. birdlife. org/ datazone/ species/ index. html

Крыніца: www.birdlife.org

Пераклаў Дзьмітры Вінчэўскі (АПБ)

Здымак хвалістых альбатросаў Simon ’а Stirrup ’а з www.birdlife.org

Таксама глядзіце

Голодные птицы вынуждают крабов менять цвет

В Мьянме поймана навозная черепаха

Семинары на ТВП «Налибокская пуща» или на пороге сенсации…

Устаноўлены першыя аншлагі на ТВП “Налібоцкая пушча”

“Юны бёдуочар III”

У Ельні з'явіліся захавальнікі

В Британии воры вынесли редких птиц из музея

“Рубить или не рубить” на охраняемых территориях?

Новое программное обеспечение будет пугать птиц

В Киеве убили эколога, защищавшего заповедный остров