In English, please
Знайшлі памылку ў тэксце?
Вылучыце яе з дапамогай мышкі і націсніце
Пра што "звініць" кот і як ратаваць птушку года?

Акцыя "Каты-званочкі": АПБ заклікае ўладальнікаў катоў і котак павесіць на свайго гадаванца, які гуляе на дварэ, званочак. Так птушкі паспеюць схавацца ад пагрозы. 

Чужародныя драпежнікі без сумневаў з’яўляюцца найбольш шкоднай групай інтрадуцэнтаў для сусветнай біяразнастайнасці. І каты іграюць асноўную ролю ў гэтым працэсе як мінімум для птушак.  Каты вынішчаюць птушак – паступова, але непазбежна ставячы іх на мяжу знікнення. 

Фото — www.daypic.ruФото — www.daypic.ru

У ЗША згодна з даследваннямі каты штогод знішчаюць ад 1.4 да 3.7 млрд птушак. Роля катоў прызнаная рашаючай у знікненні 63 відаў хрыбетных жывёл, у тым ліку 40 відаў птушак! (Паводле даследавання, апублікаванага ў часопісе Proceedings of the National Academy of Sciences (PNAS), падрабязнасці тут).

АПБ заклікае ўладальнікаў катоў і котак павесіць на свайго гадаванца, які гуляе на дварэ, званочак. Так птушкі паспеюць схавацца ад пагрозы. 

Спыніце гэты ланцужок! Спыніце гэты ланцужок!

Красавік і май – адныя з самых «рамантычных» месяцаў  птушак, менавіта ў гэты перыяд яны шукаюць сабе пару і клапоцяцца пра птушанят. 

Але што можа парушыць сямейную ідылію?  Фактараў не мала: прыродныя драпежнікі, рэзкія змены надвор'я, турбаванне  чалавекам. Але ёсць яшчэ адна важная «мяўкаючая» пагроза. Не аднойчы мы звярталі ўвагу да няпростага «сяброўства» котак і птушак.

Фото — javes.beon.ruФото — javes.beon.ru

Варта зазначыць: гаворка ідзе менавіта пра жывёлаў, якія гуляюць без павадкоў, а таксама бяздомных. Калі першыя палююць на птушак дзеля забавы, «адзічалыя» каты робяць гэта дзеля ежы. Каб вырашыць праблему, патрэбны комплексныя меры, вялікая адказнасць бяздомных жывёлаў на вуліцы быць не павінна. 

Чытаць больш па тэме

Ці можа кожны з нас паўплываць на сітуацыю? Як зрабіць, каб чацвяраногі гадаванец не быў шкодай для дзікай прыроды? 

  • не выпускаць котак на вуліцу;
  • сабак выгуліваць толькі на ланцужку, пажадана на спецыяльна адведзеных пляцоўках (калі такія ёсць каля дома);
  • калі кот ходзіць гуляць на вуліцу – апраніце яму званочак! па дадзеных Каралеўскага таварыства аховы жывёлаў, гэта дапамагае занізіць колькасць ахвяраў як мінімум на траціну.

- Мы любім катоў і любім птушак, але ў нашых сілах зрабіць так, каб каты не шкодзілі птушкам. Найлепшы выхад – трымаць ката ў хаце, як раблю я, але калі гэта немагчыма – апраніце яму званочак. Дзякуй! - звяртаецца да жыхароў Беларусі дырэктар «Аховы птушак Бацькаўшчыны» Аляксандр Вінчэўскі. 

Фото — pokershrink.blogspot.comФото — pokershrink.blogspot.com

Ад бадзяжных жывёлаў пакутуе і птушка 2017 года – жаўрук-смяцюх, гняздо якой знаходзіцца на зямлі. Як дапамагчы?

 

АПБ запускае акцыю ў рамках кампаніі «Жаўрук-смяцюх – птушка 2017 года» — «Каты-званочкі».

Як прыняць удзел? 

  • 1. Набыць званочак ці ашыйнік для свайго катА са званочкам
  • 2. Апрануць ашыйнік са званочкам кату (толькі ў тым выпадку, калі кот гуляе па вуліцы, «кватэрным» — не трэба) 

П. 1 і 2 абавязковыя, далей – па жаданні.

  • 3. Сфатаграфаваць свайго гадаванца.
  • 4. Выкласці фота ў ФБ, Укантакце ці Інста, пазначыць хэштегам #катызваночкі 
  • 5. Назіраць, як ваш сабака ці кот становіцца зоркай! Фота з'явіцца ў стужках сацыяльных сетак АПБ – найбунейшай прыродаахоўнай арганізацыі Беларусі.

Конкурс: сярод тых, хто зробіць рэпост гэтага запісу, 1 чэрвеня мы разыграем 20 ашыйнікаў са званочкамі для катоў. Спяшайцеся! 

Даведка: дзе набыць ашыйнік для ката са званочкам?

У Мінску набыць можна ў адмысловых інет-крамах. Кошт – ад 2.20 руб за званочак да 4-7 руб за ашыйнік са званочкам. Калі няма магчымасці набыць праз інет, калі ласка, зазірніце ў мясцовую заалагічную краму. 

Таксама глядзіце
Птицепад: не забирайте птенцов домой!
Гоголь дома!
Кампания по запрету капканов продолжается
Пойма Припяти: дневник экспедиции — часть 2
Пинск останется без врановых?
Зоочетверг "Жизнь в Чернобыле": видео и фото
Тут гняздуецца жаўрук-смяцюх!
Пойма Припяти: дневник экспедиции
Рекорд: на Туровском лугу — 120 тысяч турухтанов!
Беловежской пуще продлят Диплом Совета Европы?