Віншуем Дзьмітрыя Вінчэўскага з перамогай у фотаконкурсе «Беларусь, якую мы заўтра не ўбачым»

Удзел у фотаконкурсе прынялі 35 аўтараў з усіх куткоў Беларусі. Агулам яны прадставілі 87 фотаздымкаў. Пра агульны ўзровень работ гаворыць той факт, што 30 з іх былі названыя сябрамі журы сярод лепшых.

На запрашэнне арганізатараў у склад журы конкурса ўвайшлі наступныя эксперты: Сяргей Плыткевіч (Мінск), Уладзімір Багданаў (Мінск), Юры Дзядзінкін (Мінск), Аляксандр Муждабаеў (Наваполацк), Уладзімір Базан (Віцебск).

Кожны з сябраў журы вызначыў дзесяць лепшых, на яго думку, работ. Паводле галасавання кожнага з экспертаў за першае месца налічвалася 10 балаў, за другое — 9 і гэтак далей.

У выніку 1 месца ў фотаконкурсе падзялілі Дзьмітры Вінчэўскі за фотаздымак «Экскаватарная рэканструкцыя. Горадня, ХХІ стагоддзе» і Андрэй Елісееў за работу «З карчмы». Абедзве работы набралі па 26 балаў.

2 месца заняў Андрэй Рогач («Акаянныя»), які набраў 25 балаў.

На 3 месцы з сумай 24 балы апынуўся Эрнст Цецярэўскі («Набажэнства ў Будславе»).

Паводле рашэння аргкамітэту фотаконкурса, спецыяльныя ўзнагароды конкурса таксама атрымаюць Юлія Дарашкевіч (фота «Зэмбін») і Дзяніс Раманюк (фота «Абрад пакланення крыніцы»). Абедзве работы па выніках галасавання сябраў журы набралі па 15 балаў і падзялілі 4 месца.

Вельмі актыўна праходзіла і галасаванне на Інтэрнэт-старонцы медыя-кампаніі «Журналісты за гістарычную спадчыну». Старонка з фотаздымкамі, якія былі дасланыя на конкурс, была прагледжана 2.367 разоў. Наведвальнікі пакінулі агулам 685 галасоў.

Па выніках галасавання пераможцам стаў Віталь Раковіч з работай «Цяжкае блізкае неба». Усяго за гэты фотаздымак было пакінута 16 галасоў, а сярэдняя адзнака за яго склала 4,9 балы з 5 магчымых. Такім чынам, гэты аўтар становіцца ўладальнікам прыза сімпатыяў гледачоў.

Усе лаўрэаты конкурса атрымаюць прызы ад «Беларускай асацыяцыі журналістаў». Дата і месца ўганаравання пераможцаў будуць вызначаныя ў бліжэйшы час.

Крыніца: http://spadchyna.ximik.info/modules.php?name=News&file=article&sid=118

Таксама глядзіце

Голодные птицы вынуждают крабов менять цвет

В Мьянме поймана навозная черепаха

Семинары на ТВП «Налибокская пуща» или на пороге сенсации…

Устаноўлены першыя аншлагі на ТВП “Налібоцкая пушча”

“Юны бёдуочар III”

У Ельні з'явіліся захавальнікі

В Британии воры вынесли редких птиц из музея

“Рубить или не рубить” на охраняемых территориях?

Новое программное обеспечение будет пугать птиц

В Киеве убили эколога, защищавшего заповедный остров