Гарадзенскія фотаанімалісты лепшыя

Незадоўга перад з’ездам АПБ журы падвяло вынікі фотаконкурсу “Птушка ў аб’ектыве”, які праводзіцца штогод. Перамога гарадзенскіх фотамастакоў атрымалася амаль поўнай. У галоўнай катэгорыі “Птушкі ў прыродзе” перамог Мікалай Гулінскі з серыяй фотаздымкаў “Зімародак”. Другое і трэцяе месцы атрымалі адпаведна працы Георгія Гулеўскага і Дзьмітрыя Якубовіча (таксама сябры АПБ з Горадні). У катэгорыі “Птушкі і краявід” перамог Георгі Гулеўскі з фотаздымкам вялікіх савукоў на зімовай нёманской вадзе, падсвечанай зыходзячым сонцам, пад назвай “Вясна на падыходзе”. Другое месца заняла серыя фотаздымкаў Мікалая Гулінскага. А на трэцім месцы апынуўся былы гарадзенец Аляксандар Вінчэўскі!